На средбата се дискутираше за актуелни теми и прашања во рамките на соработката помеѓу Врховниот суд и Центарот за правни истражувања и анализи. Претседателката Адеми беше запознаена со тековните проекти на Центарот, а особено за Функционалната анализа на основните судови во Република Северна Македонија, која ќе биде презентирана во октомври 2021 година.

Присутните дискутираа за следните активности и чекори во областа на проектот Отворено судство, како дел од Глобалната иницијатива на Отворено владино партнерство за транспарентна судска власт.

Во рамките на средбата се зборуваше и за обезбедување поддршка при донесувањето на новиот Деловник за работа на Врховниот суд на Република Северна Македонија, како и за изработка и објавување на следната Збирка на судски одлуки.