На средбата се разговараше за предлог измените на Законот за судовите и Законот за судскиот совет на Република Македонија, во делот на надлежностите на Врховниот суд на Република Македонија, оценувањето и дисциплинската одговорност на судиите, како и надлежноста и постапувањето на Советот за одлучување по жалбите на Судскиот совет против решенијата за разрешување или изречена дисциплинска мерка при Врховниот суд на Република Македонија.

Претставниците на Венецијанската комисија искажаа благодарност до Претседателот и судиите на Врховниот суд на Република Македонија за одржаната средба и остварената соработка.