На средбата се разговараше за усогласеноста на судската пракса на судовите во Република Македонија во спроведување на Законот за граѓанска одговорност за навреда и клевета. Претседателот на здружението, Насер Селмани, посочи дека постојат отстапувања во судската пракса во постапките поведени против електронските медиуми, за утврдување на одговорност за навреда или клевета, поради што е поднесена иницијатива до Врховниот суд на Република Македонија, со барање  за донесување на правно мислење заради усогласување на судската пракса.

           Претседателот на Врховниот суд на Република Македонија истакна дека иницијативата е доставена до Одделот за граѓански дела, во чија надлежност е разгледување на прашањето и заземање став од значење за обезбедување на единство во примена на законите од страна на судовите.

            На средбата се дискутираше и за други актуелни прашања поврзани со судските постапки поведени против новинари и медиуми и беше укажано на значењето на усогласеноста на судската пракса пред домашните судови, но и со праксата на Европскиот суд за човекови права.

            На крајот од средбата, беше искажана взаемна благодарност за одржаната средба.