На ден 12.06.2018 година е одржан координативен состанок,на кој присуствуваа:Ms Susette Scuster, судија од Германија (експерт), Ms Zita Smirnoviene, судија од Литванија, Ms Chole Laurens-Dinsdale (Near D3) преставник од Оддел за владеење на правото во Европската комисија, Mr.Davide Berton (Near D3) преставник од Европската комисија, Ms Annabelle Regal, преставник од Делегација на Европска унија, и Марина Куртал, Делегација на ЕУ, Скопје. Од Виш управен суд присуствуваа Претседателот на Виш управен суд, Лидија Ивановска и судиите како Претседатели на сите 3 совети при овој суд, Анита Данилова, Владанка Панчурова, Сулејманова и Мирјана Василевска и судскиот советник Верица Гавровска-Петровска. Предмет на координативниот состанок е анализа за управното судство заради донесување на Заклучоци од страна на Оценската мисија за управната постапка и управните спорови Поглавје 23 –Правосудство и фундаментални права. Целта на мисијата, е да се процени ефикасноста и ефективноста на системот на административна правда во Република Македонија. Од особено значење е судскиот систем во делот на управните спорови во јавната администрација на централно и локално ниво, работата на судиите на Управниот суд и системот на жалби преку Вишиот управен суд.