Почитувани, Објавените одлуки на интернет страната на основниот суд Охрид, исто како и тие на останатите судови во РМ, се АНОНИМИЗИРАНИ, значи се отстранети личните податоци на лицата учесници во постапката, а во согласност со Законот за заштита на лични податоци (Службен весник на РМ број 7 од 2005 година, и Законот за измена и дополнување на истиот закон од Службен весник на РМ број 124 од 2010 година). Кога пребарувате со полно име и презиме или дел од нив на некој од учесниците , низ објавените одлуки на интернет страната, користејќи ја понудената форма на страната, нема да добиете резултат токму поради анонимизирањето на, во Вашиот случај, личното име и/ или презиме на еден од учесниците. За да добиете резултати, наместо со полно име и/ или презиме или дел од нив, користете ги првите (кирилични) букви од името и презимето на лицето меѓусебно одделени со точка. Пример, Вашето име и презиме би биле анонимизирани во форма : А.П.

Почитувани, потребно е до приемното одделение на судот да доставите барање за увид во списите на предметот во кој е донесена пресудата чиј увид ви е потребен и наведување на правниот интерес поради кој барате увид. За увидот се наплаќа и судска такса во износ од 240,00 ден. доколку предметот повеќе не е во работа.