СООПШТЕНИЕ ЗА ЈАВНОСТ
ActionsВести
- Почетна
- >
- Вести
СООПШТЕНИЕ ЗА ЈАВНОСТ
Основниот суд Скопје 1 – Скопје, во однос на наводите за причините за одлагање на предметот со КОК бр. 7/18 од обвинителството означен како „Титаник“ ја информира јавноста дека денешната расправа е одложена бидејќи до судот е доставена медицинска документација за еден од обвинетите кој бил опериран и не е во можност да присуствува на расправата.
Воедно заради здравената состојба на истиот обвинет беше одложена и претходната расправа од 08.05.2019, а одлагање на дел од досегашните расправи имало и заради отсуство на другите обвинети. Факт е дека одлагањата не се по вина на судот, но факт е и дека заради ефикасно водење на постапката судот насрочува повеќе расправи однапред и само до крајот на овој месец насрочени се расправи на 21, 27, 29 и 30 мај.
Судот, заради ефективно водење на постастапката и доследно почитување на правата на странките упатува на член 29 од ЗКП според кој судот може да донесе решение за раздвојување на постапката за одделни обвинети и тоа само по испитување на обвинителот кога кривичната постапка се води по негово барање, а имајќи предвид дека се работи за акузаторен систем, судот постапува исклучува по предлог на Јавниот обвинител.
Со пчит Основен суд Скопје 1 – Скопје.