Европски ден на граѓанска правда: Отворен ден за граѓаните во Основен суд Виница

По повод одбележувањето на Европскиот ден на граѓанска правда- 25 Октомври, на барање на учениците од Средното училиште „Ванчо Прќе“ од Виница, во посета на судот присуствуваа ученици и нивни класни раководители.

Претседателот на судот, судијата Васка Петрова разговараше со присутните посетители и одговараше на поставени прашања од областа на организациона поставеност на судот, работни активности, структура, техничка опременост, тековни активности и запознавање со основите на граѓанското право.

Посетителите, посебно учениците, изразија желба да присуствуваат на „вистинско“ судење, која овој ден не беше во можност да се оствари поради зафатеност на судиите.

Со почит.

Во продолжение се приложени фотографии од средбата.