СУДСКИ СОВЕТ И СОВЕТ НА ЈАВНИ ОБВИНИТЕЛИ ЌЕ ЈА ПОДОБРУВААТ СОРАБОТКАТА  

Судскиот совет на Република Северна Македонија и Советот на јавни обвинители на Република Северна Македонија  планираат да ја подобрат и интензивираат соработката меѓу овие две тела. Ова е договорено на денешната  средба  организирана  на иницијатива на Судскиот совет, на која присуствуваа претседателот и заменикот на  Судскиот совет, Сашко  Георгиев и Ханиф Зендели, како и   претседателот  на Советот на јавни обвинители, Антонио Јолевски и  неговиот заменик, Арбер Исаку.

На средбата, првите луѓе на овие две тела  се согласија  во најскоро време да се  изготви и потпише  меморандум за соработка,  во кој  ќе бидат  дефинирани  насоките и правците  за натамошна  соработка. Заеднички беше  оценето дека постојат многу прашања и проблеми , кои  се идентични за  двете тела и  за кои може   многу подобро да се координираат и да настапуваат пред други  институции, а со цел за нивно  поефикасно  решавање од интерес на двете тела.