На ден 14.09.2022 година беа спроведени избори за избор на членови на Судскиот совет на РСМ од редот на судиите за изборните единици: Врховен суд на Република Северна Македонија, Апелационо подрачје Скопје и управните судови и Апелационо подрачје Гостивар.

Комисијата за спроведување на изборите констатираше дека во 18 судови регуларно се спроведени изборите, на кои од вкупно 314 запишани во Судски изборен именик вкупно гласаа 276 судии.

Од сумираните гласачки ливчиња произлегоа следните неофицијални резултати:

Изборна единица: Врховен суд на Република Северна Македонија
Од вкупно запишани 15 во Судски изборен именик вкупно гласаа 15 судии.

1.    Мирјана Радевска Стефкова, судија во Врховниот суд на Република Северна Македонија доби 15 гласа

Изборна единица: Апелационо подрачје Скопје и управните судови
Од вкупно запишани 243 во Судски изборен именик вкупно гласаа 209 судии

2.    Зоран Герасимовски, судија во Апелациониот суд во Скопје доби 193 гласа

Изборна единица: Апелационо подрачје Гостивар
Од вкупно запишани 56 во Судски изборен именик вкупно гласаа 52 судии

1.    Љупчо Спировски, судија во Основниот суд во Тетово доби 16 гласа
3.    Ивица Николовски, судија во Основниот суд во Тетово доби 35 гласа

По објавување на неофицијалните резултати, согласно член 26 од Законот за Судскиот совет на Република Северна Македонија кандидатите имаат право на приговор во рок од 5 часа од објавувањето на резултатите.

Избраните членови на Советот, по конечност на резултатите и одлуката ќе стапат на новата функција по давање на свечена изјава пред претседателот на Собранието на Република Северна Македонија.

                                                                             КОМИСИЈА
                                                                  за спроведување на избори на членови на
                                                        Судскиот совет на Република Северна Македонија
                                                                          од редот на судиите
                                                                             Претседател,
                                                                         Исамедин Лимани