СООПШТЕНИЕ

Судскиот совет на Република Северна Македонија известува дека на 467-та седница одржана на ден 06.12.2023 година го измени и дополни Дневниот ред и одлучи за следното:

1. Усвоени се:

• Записник од 454-та седница на Судскиот совет на Република Северна Македонија од 13.09.2023 година и продолжение од 14.09.2023 година;
• Записник од 455-та седница на Судскиот совет на Република Северна Македонија од 26.09.2023 година;
• Записник од 456-та седница на Судскиот совет на Република Северна Македонија од 28.09.2023 година;
   

2. Усвоен  е Извештајот на Комисија по објавен оглас за избор на судии на Апелационен суд Штип;
3. Разгледана е одлука на Виш управен суд и формирана е Комисија;
4. Донесени се Одлуки по Известување за утврдена фактичка состојба  по поднесено барање за утврдување одговорност на судија/претседател на суд, така што постапката по барањето за судијата продолжува, а за претседателот на судот се запира;
5. Формирани се Комисии на известители по поднесени барања  за утврдување одговорност на судија/претседател на суд
6. Дадена е поддршка на Основниот Кривичен суд Скопје во врска со проектот за дигитализација на судството и интероперабилност по однос на користење на базата на податоци на кривичната евиденција.