Средба на Црвенковска со Гораниќ за проектот на ЕУ – „Владеење на правото“

Претседателката на Судскиот совет, Павлина Црвенковска, оствари работен состанок со Ивана Гораниќ, преставничка на проектот „Владеење на правото“ на Европската Унија. На средбата беше анализирана состојбата со бројот на судиите, неопходноста од пополнување на испразнетите места, како и потребата за запишување на поголем број кандидати на Академијата за судии и јавни обвинители.

Беше истакнато дека преку проектот „Владеење на правото“ на ЕУ се одредува правецот на Северна Македонија во пристапот кон Европската Унија, но и се зацврстува независноста и професионалноста на судскиот систем. Ивана Гораниќ ја нагласи потребата од самостоен судски буџет, како начин за поефикасно спроведување на судските реформи, но и како предуслов за одговорно, професионално и транспарентно судство.