Konferenca e organizuar nga Gjykata Supreme e Republikës së Shqipërisë në bashkëpunim me CEELI Institute, është një nga ngjarjet më të rëndësishme gjyqësore në nivel rajonal dhe paraqet forum për diskutimin e çështjeve të rëndësishme nga fusha e drejtësisë, sundimin e ligjit dhe pavarësinë gjyqësore.

Besimi i publikut në gjyqësorin, sfidat me të cilat përballen Gjykatat Supreme në sigurimin e interpretimit të unifikuar të ligjeve dhe përdorimin e pajisjeve digjitale në shërbimin e drejtësisë efikase, janë pjesë nga temat e zgjedhura për diskutim dhe analizë të përbashkët të kryetarëve të pranishëm të gjykatave dhe gjyqtarët e gjykatave më të larta të rajonit, për shkëmbimin e praktikave më të mira dhe eksperiencave.