Претседателот на Врховниот суд на Република Северна Македонија, Јово Вангеловски, во просториите на Врховниот суд на Република Северна Македонија на 30 мај 2019 година, оствари средба со г-ѓа Лисе Кристоферсен, Норвешка, Група на Социјалисти, Демократи и Зелени, г-дин Валериу Гилечи, Молдавија, Група на Европска народна партија - коизвестители на Мониторинг комисијата на Парламентарното собрание на Совет на Европа и г-ѓа Силви Афхолдер, секретар на Мониторинг комисијата. На средбата присуствуваше и м-р Фаик Арслани, судија кој го заменува претседателот на Врховниот суд на Република Северна Македонија и членови на кабинетот на претседателот.